Ministria e Shëndetësisë ka publikuar raportin e IKSHPK-së për rastet e reja me COVID-19.
Gjatë 24 orëve të fundit, sipas njoftimit nuk është regjistruar asnjë rast i vdekjes në Kosovë.
Në anën tjetër, gjatë kësaj kohe janë regjistruar 16 raste pozitive me koronavirus.
MSH-ja ka bërë të ditur se në Kosovë aktualisht janë 328 raste aktive me COVID-19.
Njoftimi i plotë:
15 Maj 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 31 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.827.810 doza të vaksinës.
Deri më sot 822.581 qytetarë janë vaksinuar me dozën e dytë.
Deri më sot janë dhënë 102.338 doza përforcuese dhe doza të treta të vaksinës kundër COVID-19.
Nga 593 testime, 16 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 27 qytetarë, derisa numri i përgjithshëm i të shëruarve është 224.767.
Në total numri i rasteve aktive është 328.
