33 të infektuar brenda QSUT, infermierja trondit sistemin shëndetësor

Tirana është rikthyer vatra e frikshme e koronavirusit, ku epiqendra është Spitali i QSUT-së, pasi 33 persona nga personeli mjekësor dhe pacientë janë të infektuar nga koronvirusi.

Vatra që po gjeneron këtë numër të lartë rastesh prej dy ditësh, është qendra më e madhe spitalore në vend ajo “Nënë Tereza“. Të enjten në QSUT janë zbuluar edhe 20 persona të tjerë të infektuar më COVID-19, të gjitha kontakte të një infermiere të repartit të mjekësisë Interne, duke e çuar në 33 numrin e përgjithshëm të prekurve nga ajo. Nga këta 18 janë personel shëndetësor dhe 15 janë pacient.

Pesë ditë më parë një infermiere e prekur nga Covid-19 ishte shkaktarja e përhapjes në mënyrë të frikshme të koronavirusit, aq sa ka shkaktuar frike dhe panik te personeli mjekësor, ku mjekët dhe infermierët nuk duan të dalin në punë .

Sipas autoriteteve shëndetësore hetimi i thelluar epidemiologjik në QSUT do të vijojë edhe në ditët në vazhdim.

“Nga hetimi i thelluar epidemiologjik, janë testuar 73 personel shëndetësor, nga të cilët 12 kanë rezultuar pozitivë, në QSUT, të gjithë pa simptoma. Në total janë 20 të prekur në QSUT, personel shëndetësor dhe pacientë, kontakte të rastit të identifikuar tre ditë më parë”, shprehet ministria e Shëndetësisë.

Kjo situatë tregon për neglizhencën e masave nga ana e ministrisë së Shëndetësisë, ku mjekët e pacientët nuk po respektojnë asnjë masë parandaluese. QSUT-ja është hapur disi dhe shumë shtetas nuk respektojnë distancën fizike, duke mos marrë masat mbrojtëse, duke vendosur maska në fytyrë dhe mbajtjen e maskave. Në disa raste janë vërejtur edhe disa mjekë që nuk respektojnë këto masa parandaluar, në një kohë që duhet të ishin shembulli kryesor.

Ministrja e Shëndetësisë pas daljes së këtyre rasteve, duhet të mbledhë Komitetin dhe diskutojë mbi këto raste që po trondisin sistemin e shëndetësisë dhe që mbi të gjitha duhet vendosë që të ketë më tepër përkujdesje ndaj personelit mjekësor.

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !