Alarmi në SHBA, pse koronavirusi po vret më shumë afrikano-amerikanët dhe hispanikët

Bosi i klanit të Lordit të Qiejve/ Policia i nxjerr në ankand vilën, trafikanti i El Narcos (foto)

Bosi i klanit të Lordit të Qiejve/ Policia i nxjerr në ankand vilën, trafikanti i El Narcos (foto)Organizatat kryesore të mjekëve amerikanë po i kërkojnë administratës Trump të mbledhë të dhëna për të treguar se kush po vdes nga COVID-19. Të dhënat e mbledhura deri më tani tregojnë se koronavirusi po vret afrikano-amerikanët me një normë alarmuese më të lartë sesa po vret të bardhët. Njofton korrespondentja e Zërit të Amerikës, Carol Pearson.

Ekziston shprehja se “kur popullsia e bardhë preket nga ftohja, popullsinë afrikano-amerikane e zë penumonia”. Asnjëherë nuk ka qenë më e vërtetë se me koronavirusin.

Disa shtete kanë publikuar të dhëna ku tregohet se afrikano-amerikanët kanë shkallë më të lartë të shtrimit në spital dhe shkallë më të lartë të vdekjeve pasi kanë shkuar në spital“, thotë dr. Taison Bell, i Universitetit të Virxhinas.

Në Luiziana, afrikano-amerikanët përbëjnë një të tretën e popullsisë, por kanë 70% të vdekjeve. Pabarazitë e ngjashme ekzistojnë edhe në shtetet e tjera.

Në qytetin Nju Jork, hispanikët janë 29% e popullsisë, dhe kanë 34% të vdekjeve të qytetit nga Covid-19, sipas të dhënave të vetë qytetit.

Afrikano-amerikanët, amerikanët hispanikë dhe pakicat e tjera në përgjithësi kanë të ardhura më të ulëta se homologët e tyre të bardhë. Shumë prej tyre janë punëtorë të domosdoshëm, ndërsa ata shpesh nuk mund ta përballojnë financiarisht kujdesin shëndetësor.

E dimë se zezakët kanë më shumë hipertension, më shumë probleme të zemrës. Ne e dimë edhe se latinët dhe afrikano-amerikanët kanë më shumë astmë dhe astmë më të rëndë. Dhe ne e dimë se të gjitha grupet e minoriteteve kanë norma të konsiderueshme më të larta të diabetit dhe madje shpeshherë dyfishin e normës së popullsisë së bardhë. Këta janë tre faktorët e zakonshëm të rrezikut që janë identifikuar“, thotë dr. Eliseo Perez-Stable, i Instituteve Kombëtare të Shëndetit.

Distanca sociale parandalon sëmundjen, por është e pamundur për njerëzit me të ardhura të ulëta.

Si mund t’i thuash një nëne të vetme me tre fëmijë që të izolohen nëse janë ekspozuar? Le të themi se punon si ndihmës-infermiere në një spital. Ke marrë virusin dhe të duhet të izolohesh. Por, nuk mund të izolohesh, pasi të duhet të kujdesesh për fëmijët. Nuk mund të izolohesh në një banesë ku ka tre dhoma dhe ku jetojnë tetë persona“, thotë dr. Perez-Stable.

Për t’i mbijetuar këtij virusi, trupi duhet të jetë mjaft i shëndetshëm për ta luftuar atë. Marrja e sëmundjes është si të të godasin me grusht.

Nëse trupi juaj nuk është në gjendje të mirë, atëherë kjo do të thotë që ju keni më pak të ngjarë të mund ta duroni atë grusht. Kështu që nëse keni diabet, që është relativisht dëmtues për sistemin tuaj imunitar, kur merrni infeksione, ju keni më shumë të ngjarë të keni rezultate më të këqija. Nëse flasim për sëmundjet e zemrës, zemra duhet të rrisë nivelin e gjakut dhe lëndëve ushqyese. Nëse keni një infeksion, nëse nuk jeni në gjendje ta bëni këtë, atëherë do të keni rezultate më të këqija“, thotë dr. Bell.

Dr Taison Bell thotë se tani që liderët politikë janë të vetëdijshëm për këtë situatë, të dhënat mund të mblidhen dhe politikat të ndryshohen. Dr. Eliseo Pérez-Stable thotë se ndryshimi nuk do të vijë me shpejtësi. Ai thotë se këto pabarazi shëndetësore kanë ekzistuar për një kohë të gjatë, dhe aktivistët, politikanët dhe pakicat duhet të përgatiten për një maratonë të gjatë, në vend të një sprinti./VOA

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !