Deputetja e PDK-së: Për vite me radhë VV terrorizoi institucionet për marrëveshje që sot po i quan të arritura

Edhe Franca mirëpret udhërrëfyesin: Hap i rëndësishëm në dialog

Deliu: Për vite me radhë VV terrorizoi institucionet për marrëveshje që sot po i quan të arritura.

Deputetja e Partisë Demokratike të Kosovës, Blerta Deliu ka reaguar lidhur me marrëveshjen e energjisë, të arritur sot në Bruksel në mes Kosovës dhe Serbisë.

Deliu deklaroi se Vetëvendosje që kishte ndërtuar kauzë politike duke demorizuar çdo marrëveshje me Serbinë të lehtësuar nga BE-ja dhe mbështetur nga SHBA-të, sot në pushtet u dakordu për implementimin e marrëveshje të njëjta, duke i cilësuar si të arritura.

“Të njëjtat marrëveshje për energjinë, Vetëvendosje dikur i propagandonte si “akte tradhtie e nënshtrimi ndaj Serbisë” si dhe marrëveshje që fusnin operatorin e Serbisë (Elektrosever) në Kosovë duke dezintegruar sistemin energjetik të Kosovës.”, tha Deliu.

Deputetja theksoi se me këtë narrativë Kurti me partinë e tij, për vjet me radhë terrorizoi institucionet dhe një shoqëri të tërë.

“Sot, pikë për presje Vetëvendosje po ju referohet marrëveshjeve të kaluara, duke i mbështetur ato pa asnjë ndryshim”, përfundoi ajo.