I tha se çezma e vjetër është rrënuar, reagon Komuna e Prishtinës

Austria mirëpret kërkesën e Kosovës për anëtarësim në KiE

Sot u raportua se çezma e vjetër xhamisë në Prishtinë, është rrënuar.

Komuna e Prishtinës ka dalë me një sqarim, pasi që u ngritën shqetësime se çezma e vjetër xhamisë në Prishtinë, është rrënuar.

Komuna ka thënë se zhvendosja e çezmës është e përkohshme, me pëlqim nga Ministria e Kulturës, Rinisë dhe Sportit.
“Të dashur qytetarë, duke ju falënderuar për vigjilencën, ju njoftojmë se zhvendosja e çezmës së xhamisë është e përkohshme.

Projekti që është duke u implementuar ka pëlqim nga Ministria e Kulturës, Rinisë dhe Sportit – IKMM, e cila është kompetente për dhënien e pëlqimeve për ndërhyrje në asetet e trashëgimisë kulturore si dhe për përcjelljen e punimeve në to”, thuhet në njoftim.

Komuna e Prishtinës thekson se e përkushtuar që të ofrojë ekspertizën e vet si partner me këdo që ka për qëllim ruajtjen dhe promovimin e aseteve të trashëgimisë kulturore si e mirë e përbashkët.