Home / JETA / Si ta zgjidhni linjën më të shpejtë në dyqan?
Si ta zgjidhni linjën më të shpejtë në dyqan?

Si ta zgjidhni linjën më të shpejtë në dyqan?

Si ta zgjidhni linjën më të shpejtë në dyqan?Mesatarisht, njerëzit kalojnë rreth gjysmë ore duke qëndruar në linjat e pritjes në dyqane. Sipas disa statistikave, thuhet se popullsia e SHBA-së qëndron në linja rreth 37 miliardë orë në vit.

E pabesueshme, apo jo?

Kjo shifër i ka befasuar edhe shkencëtarët – të cilët kanë vendosur të ‘shpikin’ disa truqe p’r tju ndihmuar ta minimizoni kohën që e kaloni duke pritur në linjat e super marketeve, transmeton Telegrafi.

Qëndroni prapa një blerësi që ka shportën apo qerren të mbushur plot

Kjo mund t’ju duket si pakuptim, por hulumtuesit dëshmojnë se kjo është e vërtetë.

Çdo personit i duhet një kohë e caktuar për të thënë përshëndetjet, për të paguar, për të uruar ditën e mirë dhe për t’u larguar nga linja. Kjo mesatarisht i merr kohë një personi 41 sekonda, dhe për t’u regjistruar gjërat e blera mund të merr kohë 3 sekonda për një produkt.

Dan Meyer, zyrtar në Desmos, tregon se nëse qëndroni prapa një personi që ka në karrocë 100 produkte, ju do të shpenzoni 6 minuta duke pritur në linjë. Por, nëse qëndroni në një linjë ku përpara i keni 4 persona me nga 20 produkte, atëherë do t’ju duhet të pritni 7 minuta.

Kjo do të thotë se linja me më pak njerëz – që kanë karrocën e mbushur plot, lëvizë më shpejt.

Linjat në anën e majtë lëvizin më shpejt

Pasi që shumica e njerëzve janë djathtak, ata kanë tendenca të futen në linjat e anës së djathtë. Kjo është pikërisht arsyeja se përse duhet ta zgjidhni anën e majtë.

Zgjidhni arkëtaren femër…

Sipas disa ekspertëve, thuhet se arkëtaret e gjinisë femërore janë më të shpejta në kryerjen e shërbimeve dhe më efiçiente.

Shikoni çfarë kanë në karrocë blerësit para teje

Kjo nuk ka të bëjë asgjë me kureshtjen se çfarë po blen tjetri – por këtë duhet ta bëni sepse produktet në paketime të forta dhe mbajtës xhami nuk marrin shumë kohë.

Më shumë merr kohë të skanohet barkodi i letrave dhe qeseve të ndryshme (çipsave, farave etj.), pasi që arkëtari shpeshherë duhet ta bëjë këtë në mënyrë manuale.

Rrjedhimisht, nëse një person është duke blerë pije freskuese – ai do të shërbehet më shpejt sesa konsumatori që është duke blerë çipsa.

Read Offline:
Shperndaje nese ke nje mik te mire...
Kosova Today News Reviewed by Shqipe Krasniqi on . Si ta zgjidhni linjën më të shpejtë në dyqan? Si ta zgjidhni linjën më të shpejtë në dyqan?Rating: 4.8