Home / KOSOVA / Deputetët e pangopur, drekat e darkat me para të shtetit në restorante luksoze

Deputetët e pangopur, drekat e darkat me para të shtetit në restorante luksoze

Deputetët e pangopur, drekat e darkat me para të shtetit në restorante luksoze

Kuvendi i Kosovës shpesh dëtyrohet t’i ndërprejë seancat për shkak të mungesës së kourumit. Shumica e deputetëve shkojnë në fillim të seancës për t’u nënshkruar për meditje, për t’u ‘zhdukur’ pak minuta me pas. Deputetët duken lakmituar edhe kur është në pyetje shkuarja në dreka e darka në restorante luksoze me para të shtetit.

Ushqim aziatik, ai i detit dhe ushqimet tradicionale kanë qenë pjesë e drekave dhe darkave zyrtare të shtruara nga deputetët e Kuvendit të Kosovës për tre muaj.

Ato janë paguar nga kuleta e shtetit për disa nga restorantet luksoze në vend, ku vetëm në njërën prj tyre janë shpenzuar mbi 3 mijë euro.

Referuar raportit financiar për periudhën prill-qershor të këtij viti, të cilën e ka publikuar Kuvendi i Kosovës, ku janë treguar vendet dhe kostoja e çdo dreke që është paguar nga ky institucion, KALLXOcom ka analizuar shpenzimet dhe vendet ku kanë ngrënë deputetët me para të taksapaguesve.

Nga ky raport, KALLXOcom ka gjetur se përvec në bufenë e Kuvendit ‘Shqiponja’, ku janë shpenzuar rreth 30 mijë euro, restorantet që dominojnë në këtë listë janë: ‘Puro’, ‘N’peshk’, ‘Liburnia’, ‘Tiffany’, ‘Vela Fish’, ‘Hib Petrol’, ‘Basilico’ dhe ‘Gagi Caffe’.

Dreka më e shtrenjtë që është paguar kapë vlerën 3 mijë e 200 euro. Kjo drekë është ngrënë në restorantin “Rron” në Prishtinë.

Por, kjo nuk është hera e vetme që deputetët kanë ngrënë në këtë vend. Për vetëm dy darka zyrtare, në këtë restaurant janë shpenzuar 4 mijë e 390 euro.

Taksat e qytetarëve kosovarë janë shpenzuar më pak se në ‘Rron’, në ‘Hib Petrol’. Vetëm një drekë që është shtruar aty, Kuvendi ka paguar 2 mijë e 960 euro. Por, ky vend është frekuentuar më shpesh. Aty ligjvënësit kanë ngrënë 6 herë, ku në total janë shpenzuar 4 mijë e 650 euro.

Drekë që e ka kaluar njëmijëshen është shtruar edhe në restorantin “Puro”. Ky biznes vetëm për një darkë të shtruar për Kuvendin e Kosovës ka fituar 1 mijë e 800 euro.

Organi vendimmarrës nuk e ka lënë anash as ushqimin aziatik si pjesë e drekave dhe darkave zyrtare, ku ka shtruar një të tillë në ‘Thai Restaurant’ me shumë prej 58 euro e 40 cent.

Përveç kësaj deputetët, po ashtu gjatë muajit prill-qershor kanë ngrënë edhe ushqime deti. Për këtë ata kanë zgjedhur si destinacion restorantin ‘Vela Fish’ dhe ‘n’Peshk’. Në arkën e ‘Vela Fish’ janë derdhur rreth 1200 euro për 7 dreka zyrtare të shtruara aty, kurse në restorantin tjetër i cili është vizituar vetëm 3 herë janë dhënë 1105 euro.

Lokacion i drekave zyrtare të përfaqësuesve të qytetarëve të Kosovës ka qenë edhe ‘Tiffany’, ku për tri dreka zyrtare për deputetë janë paguar 712 euro nga paratë publike.

Shuma tjetër prej 1255 eurosh është paguar për resturantin ‘Liburnia’ që ka shtruar 5 dreka brenda periudhës 3 mujore.

Ligjvënësit po ashtu kanë drekuar 3 herë edhe në restaurantin ‘Basilico’. Shuma e derdhur në arkën e këtij restorantin nga buxheti i shtetit për deputetët është 238 euro. Deputetët e Kuvendit të Kosovës po ashtu kanë ngrënë dy herë në ‘Suo’ dhe kanë shpenzuar shumë të njëjtë prej 101 euro.

Në faturat e shpenzimeve të Kuvendit të Kosovës ka konfiguruar edhe shuma më e ulët në këto dreka e që është 2 euro. Kjo është paguar në restaurantin ‘Soma’.

Në total janë 52 mijë e 407 euro të derdhura nga arka e shtetit për dreka dhe darka zyrtare të shpenzuar nga përfaqësuesit e popullit për tre muaj.

Në raportin e publikuar të Kuvendit të Kosovës nuk janë të detajuara se nga cilët deputetë janë shpenzuar këto para dhe se çfarë është ngrënë në to.

KALLXOcom ka kërkuar nga Kuvendi i Kosovës të dhëna në detaje në lidhje me këtë çështje, por se këta të fundit nuk ishin të gatshëm të jepnin sqarime.

Loading...
Nese e ke nje mik te mire shperndaje...
FanPage KosovaToday Bashkohu me ne beje like fanpage
Facebook : KOSOVATODAY
Nga KosovaToday.com November 10, 2018 9:50 am ne link https://kosovatoday.com/?p=365735
Nese ky postim qe eshte bere ne faqen KOSOVATODAY prek privatesin e dikujt ose eshte lajm abuzues ju lutem na shkruani ne facebook ose ne email [email protected] kosovatoday.com ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit
Loading...
Kosova Today News Reviewed by Shqipe Krasniqi on . Deputetët e pangopur, drekat e darkat me para të shtetit në restorante luksoze Deputetët e pangopur, drekat e darkat me para të shtetit në restorante luksozeRating: 4.8