Home / LAJME / Ish-presidenti George W Bush i përgjgjet letrës prekëse të vogëlushes shqiptare

Ish-presidenti George W Bush i përgjgjet letrës prekëse të vogëlushes shqiptare

Ish-presidenti George W Bush i përgjgjet letrës prekëse të vogëlushes shqiptare

Ditë më parë, Pavarësie Sopa, një vajzë nga Kosova, e para pas shpalljes së Pavarësisë, i ka dërguar një letër mirënjohjeje presidentit amerikan Xhorxh W. Bush për rolin e tij në pavarësinë e Kosovës. Korrespodenti i Zërit të Amerikës, Leonat Shehu ishte në shtëpinë e vajzës, e cila tregon për emocionet që ka pasur nga komunikimi me ish-presidentin amerikan. Pavarësia mban këtë emër meqë ka lindur pak minuta pasi Kosova shpalli pavarësinë e saj më 17 shkurt të vitit 2008.

“Emri im është Pavarësi, që do të thotë i pavarur dhe kam lindur 2 minuta pas shpalljes së Pavarësisë së Kosovës. Unë dua që të ju falënderoj juve për punën që keni bërë për Kosovën e lirë dhe të pavarur”, lexon vajza një pjesë të letrës së shkruar për ish-Presidentin amerikan.

Ajo thotë se “për mua ishte një kënaqësi që shkrova për ish-presidentin një letër. Në letër kam shkruar që të vijë dhe të më vizitojë mua dhe Kosovën. Dua ta falënderoj për kontributin që ka dhënë në Kosovë dhe shpresoj të vijë sa më shpejt”, thotë vajza në një intervistë për “Zërin e Amerikës”. Letra e Pavarësisë së vogël i është dorëzuar presidentit George W. Bush nga ambasadorja e Kosovës në Washington, Vlora Çitaku. Në letër ishte një fotografi e vajzës dhe e bulevardit në Prishtinë që mban emrin e Presidentit Bush.

Pavarësia gjithashtu ka bërë publike edhe përgjigjen e Presidentit Bush, që duke e falënderuar atë shfaq shpresën që një ditë ta takojë atë. “E dashur Pavarësi, Ju falenderoj për letrën. Shpresoj të takohemi. Zoti ju bekoftë Ju, familjen Tuaj dhe vendin Tuaj”, – shkruan George W.Bush./voa/

Ish-presidenti George W Bush i përgjgjet letrës prekëse të vogëlushes shqiptare

Ish-presidenti George W Bush i përgjgjet letrës prekëse të vogëlushes shqiptare

Read Offline:
Shperndaje nese ke nje mik te mire...
Kosova Today News Reviewed by Shqipe Krasniqi on . Ish-presidenti George W Bush i përgjgjet letrës prekëse të vogëlushes shqiptare Ish-presidenti George W Bush i përgjgjet letrës prekëse të vogëlushes shqiptareRating: 4.8