Mancini komenton fitoren e madhe të Italisë ndaj Turqisë


Italia e ka nisur në mënyrën më të mirë të mundshme Kampionatin Evropian. “Azzurët” në ndeshjen hapëse të EURO 2020 mposhtën bindshëm Turqinë me rezultat 0:3 në “Olimpico” të Romës.

Golat për Italinë i shënuan Demiral autogol, Immobile dhe Insigne.

Pas ndeshjes, përzgjedhësi i Italisë, Roberto Mancini tha se luajtën mirë, por nuk ishte lehtë pasi kishin përballë një ekip të mirë.

“Ne luajtëm mirë. Meqenëse ishte ndeshja e parë, nuk ishte e lehtë dhe ishim kundër një ekipi të mirë. Turma na ndihmoi dhe ishte e rëndësishme për ne që ta lëviznim topin shpejt”.

Me këtë fitore dhe paraqitje, Italia e konfirmon veten si një prej pretendentëve për ta fituar Kampionatin Evropian.

“Azzurët” marrin primatin momentalisht në grupin A me tri pikë, teksa nesër zhvillohet ndeshja tjetër e këtij grupi mes Uellsit dhe Zvicrës.


Na lexoni...

Edhe informacione tjera

Mundesia me shume...
Pamje me shume...