Ministrja Haxhiu e padit Milaim Zekën për këtë deklaratë

Ministrja Albulena Haxhiu e ka paditur Milaim Zekën për një deklaratë.

Ministrja në detyrë e Drejtësisë, Albulena Haxhiu, ka ngritur padi ndaj ish-deputetit të Kuvendi të Kosovës, Milaim Zeka, pas disa deklaratave të këtij të fundit se kryeministri Albin Kurti dhe vetë ministrja Haxhiu janë takuar me kryeprokurorin e Gjykatës Speciale.

Një gjë të tillë e ka konfirmuar zëdhënësi i Qeverisë së Kosovës, Perparim Kryeziu.

Haxhiu përmes padisë së dërguar në Gjykatën Themelore, pretendon se Zeka ka shpifur dhe kështu ka dëmtuar reputacionin e saj dhe të kryeministrit në detyrë, Albin Kurti.“Kjo deklaratë dihet qartazi se është e pasaktë dhe për këtë është në dijeni edhe vet i padituri Milaim Zeka por e ka bërë këtë me qëllim të dëmtimit dhe cenimit të imazhit të palës paditëse”, thuhet në mes tjerash në padi.

Haxhiu ka kërkuar kompensim në të holla dhe sipas saj këtë vlerësim duhet ta bëjë Gjykata kompetente që e trajton rastin.“Pala paditëse vlerëson se për shkak të përjetimit të dhimbjes shpirtërore, denigrimit të personalitetit dhe cenimit të autoritetit, në bazë të nenit 182 par. 1 të Ligjit nr. 04/L-077 për Marrëdhëniet e Detyrimeve, kompensimi i dëmit jo material të bëhet në të holla në vlerë të caktuar në bazë të vlerësimit të gjykatës kompetente”, potencohet në padi ndër të tjera.

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !