Ndikoi për rrëzimin e Kurtit, Grenell apelon: Duhet stabilitet, mezi po pres të punoj me qeverinë e re

Edhe i dërguari special i presidentit Trump për dialogun Kosovë-Serbi, Richard Grenell, reagoi pas vendimit të Gjykatës Kushtuese për dekretin e presidentit Hashim Thaçi.

Grenell, ashtu si ambasada e SHBA-së në Kosovës, është shprehur se të gjithë duhet të respektojnë vendimin e Kushtetueses në mënyrë që të ruhet paqja dhe stabiliteti në vend.

“Gjykata Kushtetuese ka folur. Për të siguruar paqen dhe stabilitetin – dhe për të mbështetur integritetin e sistemit të drejtësisë së Kosovës – të gjithë duhet të respektojnë vendimin e Gjykatës. Mezi pres të vazhdoj punën time me njerëzit e Kosovës dhe qeverinë e tyre për të sjellë prosperitet, zhvillim dhe punë në rajon.” – ka thënë Grenell për mediat kosovare.

Grenell kritikoi qeverinë Kurti edhe pas heqjes së tarifës dhe vendosjes së reciprocitetit.

Nën ndërmjetësimin ambasadorit Grenell, Kosova dhe Serbia arritën dy marrëveshje në fillim të këtij viti. E para për vendosjen e një linje direkte Prishtinë-Beograd si dhe marrëveshja tjetër për funksionalizimin e hekurudhave.

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !