Organizata Botërore e Tregtisë: ShBA-ja shkeli rregullat tregtare me taksat ndaj Kinës

Organizata Botërore e Tregtisë vlerësoi të martën se Shtetet e Bashkuara i kanë shkelur rregullat globale të tregtisë përmes vendosjes së taksave miliardëshe ndaj Kinës.

Ndaj këtij vlerësimi reagoi Uashingtoni, duke thënë se taksat e vendosura dy vjet më parë me vlerë të mbi 200 miliardë dollarëve ndaj mallrave kineze ishin të arsyeshme për shkak se Kina ishte duke vjedhur prona intelektuale dhe duke i detyruar kompanitë amerikane që ta transferojnë teknologjinë për qasje në tregjet e Kinës.

Megjithatë, paneli me tre anëtarë i kësaj organizate tha se veprimi i Shteteve të Bashkuara i ka thyer rregullat e tregtisë për shkak se masat vlenin vetëm për Kinën dhe taksat ishin mbi maksimumin e lejuar sipas marrëveshjeve.

“Raporti i këtij paneli e vërteton atë që administrata Trump e ka thënë për katër vjet – Organizata Botërore e Tregtisë është tërësisht jo e duhura për t’i ndaluar praktikat e dëmshme teknologjike të Kinës”, tha përfaqësuesi i ShBA-së për tregti, Robert Lighthizer.

Në anën tjetër, Ministria e Tregtisë e Kinës tha se Pekini e përkrah sistemin shumëpalësh tregtar dhe se i ka repsektuar rregullat dhe vendimet e OBT-së, duke shpresuar se edhe Uashingtoni do të veprojë në të njëjtën mënyrë.

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !