Presidenca thotë se ka pasur përkrahje për Kosovën në Samitin e BE-së

Reagon Çitaku: Gazi lotsjellës na e humbi trenin për liberalizim të vizave në vitin 2016

Sot është mbajtur Samiti në Bruksel.

Blerim Vela, shef i kabinetit të presidentes Vjosa Osmani, ka thënë se shumica e vendeve të Bashkimit Evropian e përkrahin deklarativisht liberalizimin e vizave për Kosovën.

Vela ka thënë se asnjë nga shtetet anëtare të BE-së, që kanë folur në Samitin e BE-së, nuk është shprehur kundër liberalizimit të vizave për Kosovën.

“Në këtë takim ka pasur përkrahje për Kosovën, nga vendet anëtare, jo vetëm për çështjen e liberalizimit të vizave, por edhe për qëndrimin e Kosovës ndaj luftës në Ukrainë, dhe për sanksionet e vendosura ndaj Rusisë, gjë të cilën nuk e bëjnë të gjitha vendet e rajonit”, ka thënë ai për RTV Dukagjinin.