Ramush, Hashim, Isë, Fatmir, shkaku juaj mbi 200 mijë qytetarë lëshuan Kosovën!

Akuzat pa bazë të Ramush Haradinajt ndaj kryeministrit Kurti, vetëm sa e shpërfaqin fytyrën e tij të vërtetë dhe të tjerëve që kanë qeverisur vendin. Të akuzosh Albin Kurti, që ka më pak se një vjet kryeministër për ikjen e të rinjve, është sa qesharake aq edhe dëshpëruese.

Është pikërisht Ramushi, por edhe shokët e tij të luftës që ishin në pushtet e të cilët nuk menduan kurrë për qytetarët, menduan për xhepat e tyre, u vranë shpresat dhe ëndrrat të rinjve të cilët kanë nisur ikjen qysh pas pavarësisë. Janë faktet kokëfortë, e të cilët nuk lejojnë mundësi për manipulim.

Nëse i marrim shifrat që nga viti 2009, një vit pas shpalljes së pavarësisë, vërejmë që kemi një total prej 40 mijë qytetarëve të Kosovës që kanë hequr dorë nga nënshtetësia. Kjo ka ndodhur në qeverinë LDK-PDK. Vetëm në dekadën e fundit, në të cilën edhe Ramushi ishte kryeministër, më shumë se 220 mijë qytetarë të Kosovës kanë lëshuar vendin. Vetëm për periudhën 2016-2018, sipas një raporti të Ministrisë së Punëve të Brendshme dhe Administratës Publike, thuhet se Kosova ka humbur rreth 2 për qind të popullsisë së vendit.

Ky trend po vazhdon akoma, ëndrrat e të rinjve janë vrarë, andaj ata ikin sepse nuk shohin këtu perspektivë. Pavarësisht se besojnë tek qeveria aktuale, e kuptojnë se duhen shumë vite për t’u riparuar dëmet 20 vjeçare. Faktor kryesor është papunësia tek të rinjtë, e cila është diku rreth 50 për qind, derisa gjysma e popullsisë në Kosovë është nën moshën 30 vjeçare dhe trendi është i njëjtë në 5 vitet e fundit. Po ashtu në vitet e fundit trendi pothuajse është i njëjtë, mbi pesë mijë qytetarë të Kosovës, heqin dorë nga nënshtetësia kosovare.

Në kohën kur Ramushi ishte kryeministër, në prill të vitit 2019, mijëra qytetarë kishin bllokuar qendrën për aplikim për vizë të Kroacisë në Prishtinë, aty qytetarët prisnin në radhë të gjata dhe me orë të tëra për të aplikuar për vizë pune. Derisa kryeministri i asaj kohe Ramush Haradinaj, kishte mohuar se të rinjtë po e lënë Kosovën, realiteti tregonte të kundërtën. Pra, sipas Ramushit të rinjtë tani po ikin, jo në kohën kur ishte kryeministër, se sa interesuar ka qenë Ramushi për të rinjtë tregon fakti se opozita e asaj kohe kishte kërkuar seancë të jashtëzakonshme për këtë temë, e cila nuk ishte mbajtur për shkak të mungesës së kuorumit, pikërisht nga partia e PAN-i.

Tani të dalë dhe të flasë për të rinjtë dhe të akuzojë është marre. Qytetarët kanë ikur nga mungesa e vendeve të punës dhe humbja e shpresës, janë arsyet kryesore që po i shtyjnë ta braktisin vendlindjen e tyre për të kërkuar një jetë më të mirë. Jetën e kërkonin më të mirë, ngase ata që ishin në pushtet ndërtuan vila, bënin jetë të shtrenjtë, kapën çdo gjë që mundën, tani janë po të njëjtit që akuzojnë dike tjetër për ikjen e të rinjve, ky është kulimi i hipokrizisë.

Qytetarët njohin shumë mirë, kush ka bërë e çfarë ka bërë, prandaj janë me 14 shkurt me referendum dërguan në pension politikë, ata që akoma nuk e kanë kuptuar realitetin. Gjërat kanë ndryshuar, nuk mashtrohen më njerëzit me përralla, sa më parë ta kuptojë këtë Ramushi do të jetë më mirë për te, është për të ardhur keq që një ish komandantë i shquar i luftës, është katandisur në këtë gjendje. Realitetin nuk fshihet, gjërat po shihen shumë qartë, ëndrrat ua vratë ju që nuk kishit synim për të punuar për të ardhmen e tyre, punuar për vete, s’do i gëzoni ato që i keni bërë pa mund dhe djersë, do u mallkojë loti I atyre që kanë ikur, të cilët u vratë shpresat, ëndrrat.

Lajme me shume...