Raporti i Policisë për arrestimin e Dardan Molliqajt dhe aktivistëve të PSD’së, thuhet se u lënduan tre police

Kryeparlamentari Konjufca shkon sot në Hagë, takimet me ish-krerët e UÇK-së i zhvillon nesër

Policia me raport për arrestimin e Dardan Molliqajt dhe aktivistëve të PSD’së, thotë se u lënduan tre police.

Policia e Kosovës ka dhënë detaje për arrestimin e kreut të PSD’së, Dardan Molliqajt dhe katër aktivistëve të tjerë të kësaj partie, raporton Express.

Për Molliqajn ka thënë se është arrestuar pasi ka pasur urdhërarrest ndaj tij, derisa aktivistët thotë se janë arrestuar pasi kanë penguar zyrtarët policorë, “me ç’rast kanë pësuar lëndime trupore tre zyrtarë policorë”.

“Prishtinë 16.06.2022 – 17:10. Është raportuar se gjatë realizimit të urdhërarrestit ndaj të dyshuarit mashkull kosovar, zyrtarët policor janë penguar nga disa persona të tjerë me ç’rast kanë pësuar lëndime trupore tre zyrtar policorë. Lidhur me rastin janë arrestuar pesë persona meshkuj kosovarë të cilët pas intervistimit me vendim të prokurorit janë liruar në procedurë të rregullt”, thuhet në raport.