Situatë alarmante, Greqia kaplohet nga zjarret

Greqia është kapluar nga flakët.

Të paktën 40 zjarrfikës, 9 aeroplanë dhe 4 helikopterë janë angazhuar për të vënë nën kontroll situatën në Evia të Greqisë ku ka rënë zjarr.

Mediat në Greqi raportojnë se flakët kanë mbërritur tashmë në hyrje të fshatit në Kremasto ku po digjen pishat.

Zëvendësguvernatori i Evias, Giorgos Kelaiditis ka deklaruar se autoritetet janë duke shqyrtuar një plan për të evakuuar fshatin pasi zjarri shkon drejt shtëpive të para dhe erërat që fryjnë në zonë janë të forta.