Home / SPORT / Neymar vs Griezmann, dueli i të ardhmes për fronin e “mbretit”

Neymar vs Griezmann, dueli i të ardhmes për fronin e “mbretit”

GazetaShqip SportAntoine Griezmann dhe Neymar Junior, të “yje” të futbollit të destinuar për të dueluar dhe qenë protagonistë asbolutë në vitet e ardhshme. Në 10 vitet e fundit, Cristiano Ronaldo dhe Messi kanë ndarë me njëri-tjetrin të 10 “Topa e Artë”, duke fituar nga 5 secili. Ndërsa sulmuesi francez dhe ai brazilian nuk kanë mundur të shkojnë më shumë se vendi i tretë, respektivisht në vitet 2016 dhe 2017. Me shumë mundësi një prej të dyve do të arrijë të ngjitet në podium (vendi i tretë) edhe për çmimin prestigjioz individual për vititn 2018, por është e qartë se për vendin e parë Ronaldo dhe Messi mbeten të pakonkurrueshëm.

E ardhmja e Neymarit dhe Griezmannit, gjithsesi është temë kryesorë e merkatos. Braziliani për një transferimim të mundshëm tek Real Madridit, ku do të luante përkrah Ronaldos, ndërsa francezi mund t’i bashkohet Messit te Barcelona. Nëse ndodh kështu, të dy sulmuesit do të jenë rivalë për t’u ngjitur në fronin e mbretit të futbollit për vitet e ardhshme.

Griezmann është 27 vjeç, ndërsa Neymar vetëm 10 muaj e 10 ditë më i vogël, praktikisht kanë të njëjtën moshë për të dueluar kokë më kokë si për trofetë e skuadrave ku do të luajnë edhe për ato individualë.

Në këtë sezon, sulmuesi aktual i Atleticos ka shënuar 29 gola në 48 ndeshje, ndërsa Neymar ka një mesatare më të mirë, 28 finalizime për 30 takime. Këto shifra, gjithsesi, mbeten inferiore me ato të Messit dhe Ronaldos. Argjentinasi i Barçës ka shënuar 45 në 53 ndeshje, ndërsa portugezi i Realit 43 në 42 takime.

Palmaresi i Neymarit, për momentin është më i kompletuar se i Griezmannit. Sulmuesi brazialin ka fituar një herë Kupën e Konfederatave, Championsin, Superkupën e Europës, Superkupën e Amerikës së Jugut, Kupën e Brazilit, Kampionatin francez, Kupën e Francës, Kupën e Ligës po në Francë, 3 herë Kupën e Mbretit dhe 2 herë Superkupën e Spanjës.

Ndërsa francezi me “Los Colchoneros” ka ngritur lart vetëm një Suerkupë të Spanjës dhe së fundmi Europa League-n, ku në finale ndaj Marseille ishte protagonist aobsolut me një dygolësh.

Në “Rusi 2018” do të jenë të pranishëm të dy, me Brazilin dhe Francën. Nëse shkëlqejnë dhe triumfojnë në Botëror me përfaqësueset e tyre, atëherë mund të interferojnë që këtë vit në duelin mes Messit dhe Ronaldos për “Topin e Artë.”

18 maj 2018 (gazeta-Shqip.com)

Shperndaje nese ke nje mik te mire...
Nga KosovaToday.com May 18, 2018 9:55 am ne link https://kosovatoday.com/?p=181094
Nese ky postim qe eshte bere ne faqen KOSOVATODAY prek privatesin e dikujt ose eshte lajm abuzues ju lutem na shkruani ne facebook ose ne email info@ kosovatoday.com ose ne fanpage facebook ose ContactUs, dergo linkun e mesiper qe te fshihet. Nuk mbajme pergjithesi per ndonje lajm qe eshte postuar qe eshte publik ne gjithe mediat. Ju faleminderit
Kosova Today News Reviewed by Shqipe Krasniqi on . Neymar vs Griezmann, dueli i të ardhmes për fronin e “mbretit” Neymar vs Griezmann, dueli i të ardhmes për fronin e “mbretit”Rating: 4.8