Home / Tag Archives: sylejman

Tag Archives: sylejman

Sylejman Selimi merr një dhuratë të çmuar nga Bekim Jashari

Sylejman Selimit i dhurohet stema e komandantit legjendar të UÇK-së, Adem Jashari. Kryetari i Komunës së Skënderajt, Bekim Jashari, gjat ditës së sotme është takuar me ish-komandantin e përgjithshëm të UÇK-së, gjeneral Sylejman Selimi, i cili ishte i shoqëruar nga kryetari i Komunës së Drenasit, Ramiz Lladrovci. Jashari tha se kontributi i Selimit është i njohur dhe i vlerësuar nga të gjithë. “Ka vuajtur shumë në këto vitet e fundit, madje edhe në aspektin shëndetësor, por tanimë ai duket se qëndron shumë mirë”. “Për kontributin që gjenerali ka dhënë në luftën çlirimtare dhe në Forcën e Sigurisë së Kosovës, si kryetari i Komunës, i dhurova stemën e komandantit legjendar të Ushtrisë Çlirimtare të Kosovës, Adem Jashari”, ka shkruar Jashari në rrjetin social Facebook.

Read More »

Tomë Gashi zbulon në çfarë cilësie u intervistua Sylejman Selimi

Ende pa kaluar dy javë nga lirimi nga burgu, ish-komandanti i UÇK-së, Sylejman Selimi është intervistuar sot në zyret e Gjykatës Speciale në Prishtinë. Në një konferencë për media, avokati i tij mbrojtës, Tomë Gashi ka thënë se rasti i ftesave ka qenë shumë specifik deri në ditën e sotme. “Sylejman Selimi ka qenë i ftuar që të jap dëshminë e tij, e ka dhënë deklaratën në orën 09:00 në zyret e Speciales në Prishtinë. Ai ka qenë i ftuar me ftesë të rregullt, nuk ka qenë kërkesa të merret në pyetje në Hagë. Ai i ka dhënë gjitha shpjegimet që janë kërkuar prej tij”, ka thënë Gashi, përcjell lajmi.net. Sipas avokatit, Selimi është ftuar në cilësin e të dyshuarit. “Secili që është në cilësinë e të dyshuarit nuk mund të bëhet publike se për çfarë është marrë në pyetje, ka qenë marrje në pyetje e përgjithshme”, ka shtuar Gashi. Gashi ka thënë se intervista ka zgjatur fare pak rreth një orë.

Read More »

Sylejman Selimi intervistohet nga Gjykata Speciale

Gjykata Speciale po vazhdon me intervistimin e drejtuesve të UÇK-së. Komandanti i Shtabit të Përgjithshëm të UÇK-së, Sylejman Selimi ka dhënë sot deklaratë për Gjykatën Speciale në Prishtinë. Kështu ka bërë të ditur, avokati i Selimit, Tomë Gashi, përmes një postimi në Facebook. Më poshtë postimi i Gashit pa ndërhyrje: KOMANDANTI I SHTABIT TË PËRGJITHSHËM TË UÇK-së GJENERAL SYLEJMAN SELIMI I FTUAR NGA GJYKATA SPECIALE SOT KA DHANË DEKLARATËN E TIJ NË PRISHTINË Sot më 06.02.2019 ne avokatët e tij Tomë GASHI dhe Gregor Guy SMITH, ju ftojm në Konferencë për media në oren 14.00h, në zyren tonë në Prishtinë, Sheshi Nënë Tereza, Rr.Rexhep Luci 1/1 ( mbi Kino ABC), që të ju njoftojm lidhur me këtë çështje.

Read More »

Konfirmohet: Sylejman Selimi merr ftesë nga Gjykata Speciale

Sylejman Selimi do të intervistohet nga Specialja. Ish-komandanti i UÇK-së Sylejman Selimi e ka konfirmuar se gjatë javës së ardhshme mund të intervistohet nga Gjykata Speciale. Ai ka thënë se Gjykata Speciale ka kontaktuar zyrën e avokatit të tij. “Javën tjetër besoj se do të intervistohem. Nuk e di arsyen për çka do të merrem në pyetje”, tha Selimi në Pressing në T7. ‘Nuk e di saktë. Ka mundësi gjatë javës”, tha Selimi. Ditë më parë Selimi është liruar me kusht. Ai ishte arrestuar në maj të vitit 2013 dhe ishte shpallur fajtor për një vepër penale të krimeve të luftës kundër popullatës civile nga Gjykata Themelore në Mitrovicë më 27 maj 2015 duke u dënuar më 6 vjet burg. Ndërsa, më 7 qershor 2018 është mbajtur rigjykimi për “Drenica 2”, më 11 qershor është mbajtur për “Drenica 1”.

Read More »

Rrëfimi i Sylejman Selimi për emrin e UÇK-së, ja si ndodhi ngjarja

Ish-komandanti i Ushtrisë Çlirimtare të Kosovës, Sylejman Selimi, ka folur për fillimin e veprimtarisë së UÇK-së. Selimi ka zbuluar në emisionin “Pressing”, se UÇK-ja e ka marrë emrin e saj në vitin 1994. Selimi ka thënë se nuk e di se kush e ka pagëzuar UÇK-në me këtë emër. Ai ka deklaruar se për këtë emër ka dëgjuar për herë të parë nga komandanti Adem Jashari.

Read More »