Thaçi: Nëse marrëveshjet për energjinë janë të mira, meritat u takojnë qeverive Thaçi dhe Mustafa

Ndryshojnë temperaturat, ky pritet të jetë moti ditët e ardhshme

Analisti politik Jusuf Thaçi ka reaguar pas arritjes së marrëveshjes së sotme të Qeverisë së Kosovës me atë të Serbisë për energjinë.

Thaçi përmes një shkrimi në rrjetin social Facebook tha se nëse marrëveshjet për energjinë të vitit 2013 dhe 2015 janë të mira atëherë, sipas tij, meritat I takojnë qeverive të Thaçit e Mustafës.

Ndërsa, sipas tij, nëse këto marrëveshje janë të dëmshme për Kosovën dhe arrihen të realizohen në Qeverinë Kurti, atëherë e bartin të tri qeveritë e sipër-përmendura.

“Veçse, edhe nëse e marrim si të mirëqenë faktin se këto marrëveshje kanë qenë një fakt i kryer për Qeverinë Kurti, meqë LVV i ka kritikuar këto marrëveshje në të kaluarën, atëherë Qeveria Kurti duhet të jetë korrekte me pararendëset e saj, siç e pamë sot korrektësinë e partive opozitare parlamentare (PDK, LDK dhe AAK që kanë qeverisur më herët) në lidhje me marrëveshjen e sotme”, shkroi Thaçi.

Ndryshe, kryeministri i Kosovës, Albin Kurti, është deklaruar lidhur me arritjen e marrëveshjes mes Kosovës e Serbsë për faturimin e energjisë në veri.

Arritjen e kësaj marrëveshje, Kurti e ka quajtur lajm të mirë dhe tha se është rezultat i punës së Qeverisë që ai udhëheqë.

Ndryshojnë temperaturat, ky pritet të jetë moti ditët e ardhshme