Viktimozohet Vuçiq: Po të kisha thënë diçka si Kurti, ndjekja do të kishte filluar brenda një ore

Engjëllusha vishet serioze, kombinimi i saj bie në sy

Vuçiq: Po të kisha thënë diçka si Kurti, ndjekja do të kishte filluar brenda një ore.

Presidenti i Serbisë, Aleksandar Vuçiq, ka komentuar deklaratën e kryeministrit të Kosovës, Albin Kurti i cili ka thënë se në të ardhmen do të votonte pro një referendumi të bashkimit me Shqipërinë vetëm nëse do të prezantohej në formë demokratike.

Lidhur me këtë kreu i shtetit serb ka pyetur “se çfarë do të ndodhte nëse ai do ta deklaronte këtë për bashkim me disa territore të tjera?

Vuçiq tha se këtë pyetje ia ka bërë edhe njërit prej ambasadorëve në Serbi, raporton “Novosti”, transmeton Klankosova.tv.

“Pavarësisht nëse më varni në Washington apo Berlin, unë e di vetëm se nuk mund të jetoja një orë derisa të fillonte ndjekja. Për sa u përket shqiptarëve, kjo nuk është asgjë e re për ta. Sa për Viola von Cramon, nuk ka asgjë për të.Ajo nuk ka folur në Serbi, ajo flet për çdo çështje në mediat manjate. Por nuk i ka shkuar në mendje të kritikojë deklaratat e Albin Kurtit për Shqipërinë e Madhe. Kjo tregon se sa nuk kanë qëllime të mira ndaj Republikës së Serbisë ”, tha Vuçiq,

Deklaratën e cila nxiti reagime në Serbi, Kurti e bëri në një intervistë për Radion Monocle.

“Nëse do të kishte dy referendume njerëzit do të votonin për bashkim kombëtar. Mendoj se në të ardhmen nëse do të prezantohej si një referendum demokratik, që do të kishte në sjellje paqësore, unë do të votoja për po, por e përsëris vetëm nëse bëhet në formë demokratike. Nuk do ta përjashtoja mundësinë, megjithatë mendoj se për një paqe dhe stabilitet të qëndrueshëm në rajon, mënyra më e shpejt dhe më e mirë përpara në të ardhmen është që gjashtë vendet e Ballkanit Perëndimor të integrohen në BE”, ka thënë ai.

Lajme me shume...