A po e konfirmon kjo lëvizje transferimin e De Ketelaere në Milan!

Chelsea i jep lajmin e mirë Milanit për Ziyech

AC Milan është në fazën vendimtare të negociatave me Club Brugge për një marrëveshje për Charles De Ketelaere dhe disa shenja të rëndësisë kanë ardhur.

Sipas asaj që raportohet nga Gianluca Di Marzio në Corriere della Sera, nëna e De Ketelaereh ka qenë tashmë në Milano për të kërkuar një shtëpi për djalin e saj përpara një lëvizjeje të mundshme, përcjell ORAinfo.

Milani po punon për të kapërcyer hendekun mes ofertës së tyre dhe kërkesave të Brugge, por kampionët belg ende po rezistojnë.

Chelsea i jep lajmin e mirë Milanit për Ziyech

Vincent Mannaert – drejtori i përgjithshëm i Brugge – vazhdon të kërkojë të paktën 5-6 milionë euro më shumë se oferta aktuale e kuqezinjve, të cilët besojnë se kanë bërë maksimumin për ta nënshkruar atë.

Mesfushori sulmues është prioriteti absolut i kuqezinjve në merkato dhe në ditët në vijim do të kemi lajme në lidhje me evoluimin e çështjes De Ketelaere, por Hakim Ziyech i Chelseat tashmë është identifikuar si një objektiv alternativ. /ORAinfo/