Raka paralajmëron: Vala e dytë e koronavirusit, e pashmangshme

Dy persona në gjendje të rëndë me koronavirus në Infektiv

Raka: Vala e dytë e coronavirusit, e pashmangshme.

Mikrobiologu Lul Raka, ka thënë se vala e dytë e coronavirusit është e pashmangshme, teksa e theksuar rëndësinë e testeve serologjike në këtë drejtim.

Ai ka shpjeguar se këto teste tregojnë se sa për qind e popullatës e ka pasur infeksionin me COVID-19.

“Momentalisht është me rëndësi të dihet kush është i infektuar. Por me rënien e numrit të rasteve, Kosova do të duhet ta dijë se sa persona e kanë kaluar pa simptome”, ka thënë ai, në Interaktiv të KTV-së, duke thënë se përhapja nga personat asimptomatikë ka qenë “benzina” që i ka dhënë hov pandemisë në botë.

Megjithatë, ai ka thënë se deri në valën e dytë, secili shtet i ka afat katër deri në pesë muaj, për t’u përgatitur “me teste, me respirator dhe gjithçka që mungon”.

“Dhe përgjigja ka me qenë shumë aktive dhe shumë më agresive”, ka thënë ai.

Sipas Rakës, element i disfavorshëm në sezonin e ardhshëm është fakti se coronavirusi dhe ai i gripit sezonal përkojnë në të njëjtën kohë. Ai megjithatë ka shtuar se testet duhet të vazhdojnë edhe pas zbutjes së masave.

“Një prej parakushteteve për lirimin e masave është që të ketë kapacitete testuese në vazhdim”, ka thënë Raka, duke shtuar se me rëndësi është që të kuptohet se lirimi nuk nënkupton dalje masive.

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !