Thaçi: Shkelja e dyfishtë e Kushtetutës nga Qeveria në detyrë përbën shqetësim të jashtëzakonshëm

Nysreti feston ditëlindjen, Merita zgjedh fjalët më të veçanta për ta uruar

Presidenti Hashim Thaçi ka komentuar vendimet e fundit të Gjykatës Kushtetuese.

Presidenti i vendit Hashim Thaçi u është kthyer edhe njëherë vendimeve të sotme të Gjykatës Kushtetuese.

Ai në një postim të mëhershëm në Facebook pranoi vendimin e Gjykatës Kushtetuese, e cila pezulloi dekretin e tij për mandatim të Avdullah Hotit për kryeministër, deri më 29 maj. Ndërkohë, në postimin e dytë, Thaçi ka shkruar për një vendim tjetër të GJK-së, atë që shpalli anti-kushtetues vendimin e Ministrisë së Shëndetësisë për të shpallur Prizrenin zonë të karantinuar.

“Edhe pse është kohë pandemie, rendi kushtetues dhe ligjor janë të pacenueshëm. Në asnjë rrethanë, askush nuk mund ta shkelë Kushtetutën e Kosovës, duke cenuar atë dhe duke shkelur në mënyrë flagrante të drejtat dhe liritë themelore të qytetarëve tanë. Shkelja e dyfishtë e Kushtetutës nga Qeveria në detyrë përbën shqetësim të jashtëzakonshëm dhe është precedent i rrezikshëm për institucionet e Kosovës”, ka shkruar Thaçi.

Sipas tij, kjo është qasje e papërgjegjshme ndaj aktit më të lartë juridik.

“Si president i vendit e dënoj ashpër edhe gjuhën e kërcënimeve mbi institucionet e pavarura, siç është Gjykata Kushtetuese. Veprimet e tilla janë të papranueshme. Refuzimi i zbatimit të vendimeve të Gjykatës Kushtetuese nga Qeveria aktuale paraqet tendencë të qartë për përmbysjen e rendit tonë kushtetues”, thuhet tutje në postimin e Thaçit.

VINI RE ! - Lajmi qe eshte portuar eshte mare nga portalet tjere. Nese preke privatesine ky lajme ju lutem na informoni ne facebook ne e fshijme lajmin menjehere. Nuk mbajme persiper per lajmet e postuara. KosovaToday nuk eshte Agjensi per Lajme vetem riboton lajmet nga portalet tjere. Me respekt KosovaToday.
Reklamat e meposhtme jane te kompanise MGID nese blini dicka nuk garanton KosovaToday - Jan Reklama te Kompanise MGID.

Lajme te ngjajshme !

Lajme te ngjajshme !