Asteroidi gjigant po i afrohet Tokës, paralajmëron NASA!

Sipas NASA-s, një asteroid gjigant pritet t’i afrohet sot Tokës. Asteroidi 2024 ON është 290 metra i gjerë. Ky asteroid u pa për herë të fundit pranë Tokës në vitin 2013, do të kthehet përsëri në 2035 dhe po monitorohet nga afër nga Projekti i Teleskopit Virtual, i cili zbuloi asteroidin potencialisht të rrezikshëm më 9 shtator duke udhëtuar me rreth 40,000 kilometra në orë.

Megjithatë, siç raporton NASA, asteroidi që arrin një distancë minimale që është 2.6 herë më e madhe se distanca mesatare hënore, nuk përbën rrezik për Tokën. Rikujtojmë, se meteoriti që u rrëzua në Tokë afër Berlinit në janar është rreth 4,5 miliardë vite i vjetër dhe i përket klasës së rrallë të aubritëve, shkruajnë shkencëtarët në një artikull të botuar në revistën “Meteoritics & Planetary Science”. Asteroidi i vogël 2024 BX1 u dogj më 21 janar pranë Berlinit, në një shfaqje spektakolare qiellore.

Disa copëza ranë përtokë në rajonin Havelland të landit të Brandenburgut që rrethon kryeqytetin gjerman dhe shumë prej të cilave u mblodhën nga shkencëtarët dhe koleksionistët. Rreth 202 copëza që peshojnë gjithsej 1,8 kilogramë u gjetën në një fushë të shpërndarë pranë fshatrave të Brandenburgut Ribbeck, Berge dhe Lietzow, të shpërndara në një sipërfaqe prej 1,5 me 10 kilometra. Shkencëtarët e quajtën meteoritin Ribbeck sipas vendit ku u gjet.

The post Asteroidi gjigant po i afrohet Tokës, paralajmëron NASA! appeared first on AfterParty.