BE bën thirrje për armëpushim në Gaza: E vetmja mënyrë për të shpëtuar jetë

Shefi i politikës së Jashtme të BE-së, Josep Borrell tha se blloku evropian bashkohet me Egjiptin, Katarin dhe SHBA-në në thirrjen që marrëveshja e armëpushimit dhe lirimi i pengjeve të zbatohet pa vonesë.

“Ne përsërisim mbështetjen tonë të plotë për ndërmjetësimin e tyre për t’i dhënë fund ciklit të patolerueshëm të tragjedisë,” tha ai, duke shtuar se “marrëveshja do të hapë gjithashtu rrugën për de-përshkallëzimin rajonal”.

Presidentja e Komisionit Evropian, Ursula von der Leyen tha më herët se është i nevojshëm një armëpushim në Gaza, duke mbështetur përpjekjet e ndërmjetësimit.

“Ne kemi nevojë për një armëpushim në Gaza tani. Kjo është mënyra e vetme për të shpëtuar jetë, për të rikthyer shpresën për paqe dhe për të siguruar kthimin e pengjeve. Prandaj, unë mbështes fuqimisht përpjekjet e SHBA-së, Egjiptit dhe Katarit për të ndihmuar në arritjen e paqes dhe stabilitetit që i nevojitet rajonit”./abcnews.al