Dha 50 dollarë bamirësi në mbështetje të Ukrainës, dënohet me 12 vite burg shtetasja amerikano-ruse

Një grua është dënuar në Rusi me 12 vite burg pasi dha 51 dollarë për një organizatë bamirësie që mbështet Ukrainën. Shtetasja amerikano-ruse Ksenia Karelina u akuzua për tradhti kur u arrestua në Yekaterinburg, në Rusinë jugperëndimore, në muajin shkurt.

Hetuesit kontrolluan telefonin e saj celular dhe zbuluan se ajo bëri një donacion prej 51,80 dollarësh për Razom, një organizatë bamirëse që ofron ndihmë për Ukrainën, në ditën e parë të pushtimit rus.

Karelina, një balerinë, ka lindur në Rusi, por ishte larguar në SHBA në vitin 2012. Ajo ishte kthyer në Rusi për të vizituar familjen në fillim të vitit kur u arrestua, sipas grupit të të drejtave të Departamentit të Parë.

Karelina është mes një grupi amerikanësh që ende mbahen në Rusi me akuza të ndryshme./abcnews.al