“E turpshme”/ Zv.kryeministri i Sllovakisë bojkoton ceremoninë e mbylljes së Lojërave Olimpike, shkak parodia e Darkës së Fundit

Zëvendëskryeministri i Sllovakisë tha se nuk do të marrë pjesë në ceremoninë e mbylljes së Lojërave Olimpike të Parisit 2024 lidhur me parodinë e diskutueshme të Darkës së Fundit gjatë hapjes së lojërave javën e kaluar.

“Organizatorët e Olimpiadës në Paris përgatitën neverinë për botën një shfaqje plot ideologji LGBT dhe një fyerje ndaj simboleve të krishterimit”, tha Tomas Taraba në një postim në Facebook të dielën.

“Unë duhej të përfaqësoja Sllovakinë në ceremoninë e mbylljes, por për botën normale, kjo Olimpiadë do të mbetet përgjithmonë simbol i dekadencës së degjeneruar, e cila abuzoi me bukurinë e sportit dhe e ktheu atë në teatër politik progresiv. Prandaj vendosa të mos marr pjesë në ceremoninë e mbylljes”, shtoi ai.

Performanca e të premtes, e udhëhequr nga drag queens dhe kërcimtarë, tërhoqi reagime të konsiderueshme nga bota e krishterë, e cila tha se ishte mungesë respekti ndaj besimeve fetare. Organizatorët kanë kërkuar falje për performancën.

/abcnews.al