FOTO/ Ceremonia e mbylljes së Lojërave Olimpike 2024 në Paris

Parisi mbylli dy javë e gjysmë të jashtëzakonshme sportesh olimpike dhe emocionesh me një shfaqje të mbushur me yje në stadiumin kombëtar të Francës, duke i dorëzuar ‘detyrat’ e organizimit të Lojërave Verore në qytetin e radhës, Los Angeles në 2028.

Ceremonia u mbajt para mbi 71 mijë spektatorëve në stadiumin Stade de France, të cilët duartrokitën gjatë parakalimit të rreth 9.000 atletëve, me flamuj të shteteve të tyre në duar.

I pranishëm ishte edhe presidenti Emmanuel Macron dhe presidenti i Komitetit Olimpik Ndërkombëtar, Thomas Bach. Ceremonia u hap me ‘Sous le ciel de Paris’, ‘Nën qiellin e Parisit’, pjesa e famshme e Edith Piaff.

SHBA kryesoi në numërimin e medaljeve në lojërat e Parisit me 126 në total, e ndjekur nga Kina me 91, Britania me 65 dhe Franca me 64. Shqipëria shënoi një rezultat historik, duke marrë dy medalje.

Mundësi Islam Dudaev i dhuroi një medalje vendit tonë në Lojërat Olimpike të Parisit, duke mundur në peshën 65 kg, Iszmail Muszukajev. Ai fitoi medaljen e bronztë.

Të shtunën ishte mundësi tjetër shqiptar, Chermen Valiev, që shkroi historinë në Paris 2024. Ai i dhuroi Shqipërisë medaljen e parë të bronztë në historinë e Lojërave Olimpike, duke mposhtur me rezultatin 6–2 në finalen për medaljen e bronztë, Viktor Rassadin nga Taxhikistani, në stilin e lirë në mundje në peshën deri në 74 kg.

Ekipet olimpike hyjnë në Stade de France gjatë ceremonisë së mbylljes

Thomas Bach, President i IOC, residenti francez Emmanuel Macron, Bridgette Macron dhe Tony Estanguet, President i Komitetit Organizativ të Parisit për Lojërat Olimpike dhe Paraolimpike 2024, të parë së bashku me anëtarët e IOC në tribuna përpara ceremonisë së mbylljes

Një pamje e përgjithshme e balonit olimpik dhe së ajrit teksa interpreton kantautori francez Zaho de Sagazan gjatë ceremonisë

Golden Voyager performon gjatë ceremonisë së mbylljes së Lojërave Olimpike

Notari francez Leon Marchand merr flakën olimpike

Kantautorja franceze Zaho de Sagazan performon gjatë ceremonisë së mbylljes

Interpretuesit ngrenë një unazë gjatë ceremonisë së mbylljes

Pianisti zviceran Alain Roche interpreton Hymn To Apollon

 

Unazat olimpike shfaqen gjatë ceremonisë së mbylljes së Lojërave Olimpike Paris 2024