Frika për përshkallëzim të tensioneve, SHBA synon të ulë “temperaturën” në Lindjen e Mesme

Shtetet e Bashkuara po synojnë “të ulin temperaturën” në Lindjen e Mesme, ka thënë ambasadorja e vendit në OKB, ndërsa frika e një sulmi hakmarrës iranian ndaj Izraelit po rritet.

Të martën, Linda Thomas-Greenfield i tha Këshillit të Sigurimit në Nju Jork se SHBA-të donin “të pengonin dhe të mbroheshin kundër çdo sulmi të ardhshëm dhe të shmangnin konfliktin rajonal”.

Ekziston frika se Irani mund të hakmerret kundër Izraelit pas vrasjes në korrik të liderit të Hamasit Ismail Haniyeh në Teheran, diçka për të cilën Izraeli nuk ka marrë përgjegjësinë.

Presidenti amerikan Joe Biden sugjeroi se arritja e një marrëveshjeje armëpushimi midis Izraelit dhe Hamasit në Gaza mund të ndihmojë në pengimin e Iranit nga nisja e një sulmi ndaj Izraelit.

“Kjo është pritshmëria ime, por do të shohim,” tha ai kur u pyet nga një gazetar të martën.

“Ne do të shohim se çfarë do të bëjë Irani dhe do të shohim se çfarë do të ndodhë nëse do të ketë ndonjë sulm, por unë nuk po dorëzohem,” tha ai, ndërsa po dilte nga avioni i tij gjatë një vizite në Luiziana.

Një raund i ri i bisedimeve për armëpushim është planifikuar të zhvillohet në Doha ose Kajro të enjten. Por zyrtari i Hamasit, Ahmad Abdul Hadi, thuhet se ka thënë se Hamasi nuk do të marrë pjesë në bisedime, sipas raporteve nga Neë York Times dhe Sky Neës.

Sekretari amerikan i Shtetit Antony Blinken shtyu planet për të udhëtuar në Lindjen e Mesme të martën për të marrë pjesë në negociatat për përfundimin e luftës në Gaza.

Ndërmjetësuesit ndërkombëtarë nga SHBA, Egjipti dhe Katari kanë bërë presion për një marrëveshje armëpushimi që do të lironte pengjet dhe civilët palestinezë të kthehen në shtëpitë e tyre./abcnews.al