Izraeli sulmon Libanin, raportohet për dy të vdekur

Ministria libaneze e Shëndetësisë njoftoi se dy persona u vranë në një sulm izraelit sot në jug të Libanit, disa orë pasi Hezbollah lëshoi raketa në drejtim të Izraelit verior.

Shkëmbimi i zjarrit vjen pasi intensifikohet frika për përhapjen e luftës rajonale, me Iranin dhe aleatët e tij që zotohen se do t’i përgjigjen vrasjeve të liderit të Hamasit dhe komandantit ushtarak të Hezbollahut.

Në një deklaratë, ministria e shëndetësisë tha se dy persona u vranë në Mays al-Jabal, një fshat në kufi me Izraelin.

Mais al-Jabal, më pak se dy kilometra nga kufiri me Izraelin, është bombarduar që nga fillimi i luftës pothuajse dhjetë muaj më parë dhe është braktisur nga banorët e saj.

Që nga fillimi i luftës në Gaza, Hezbollah ka mbështetur për Hamasin. Më herët gjatë ditës së sotme, lëvizja pro-iraniane njoftoi se kishte shënjestruar objekte ushtarake në veri të Izraelit me ndihmën e dronëve që mbanin eksplozivë.

Ushtria izraelite raportoi plagosjen e dy ushtarëve në një sulm ajror në Galilenë e Epërme, nga Libani. 549 njerëz janë vrarë  kryesisht luftëtarë të Hezbollahut, por edhe 116 civilë, në Liban që nga tetori, sipas një raporti të AFP .

Në Izrael dhe në lartësitë e Golanit, sipas autoriteteve janë vrarë 22 ushtarë dhe 25 civilë.

/abcnews.al