“Lëvizja Vetëvendosje”, “Guxo” dhe “Alternativa”, nuk arrijnë të procedojnë koalicionin e tyre në KQZ

Lëvizja Vetëvendosje, Partia Guxo, dhe Partia Alternativa, nuk kanë arritur të procedojnë koalicionin e tyre në Komisionin Qendror të Zgjedhjeve në Kosovë.

Sipas komunikatës së përbashkët kjo nuk u realizua për shkak të afatit të shkurtër ligjor dhe pamundësisë së përmbushjes së disa detyrimeve statutare.

“Ne jemi duke punuar intensivisht në hartimin e programit, me të cilin do të shpalosim së bashku ofertën tonë për qytetarët në zgjedhjet e rregullta parlamentare që do të mbahen më 9 shkurt 2025. Së bashku synojmë që me votën e qytetarëve të vazhdojmë partneritetin në qeverisjen e ardhshme si dhe punët e mira për Republikën e Kosovës”, thuhet në njoftim.

The post “Lëvizja Vetëvendosje”, “Guxo” dhe “Alternativa”, nuk arrijnë të procedojnë koalicionin e tyre në KQZ appeared first on Albinfo.