“Nuk të bën Radoiciqi kryeministër” – Bajqinovci i kundërpërgjigjet akuzave të Haradinajt ndaj Kurtit

Deputeti i VV-së, Mefail Bajqinovci i është kundërpërgjigur akuzave të rënda të Ramush Haradinajt ndaj Albin Kurtit.

Haradinaj këtë të enjte në “Five” të TV Dukagjinit tha se Kurti i shërben agjendave të Rusisë e Serbisë.

Si kundërpërgjigje Bajqinovci ia përmendi takimin me Milan Radoiciqin.

Postimi i plotë:

Rruga e Serbisë e Rusisë Ramush është:

Kur e pret Listën serbe 8 orë me ardhë nga Beogradi me ta votu Qeverinë.

Me e prit në Zyre të Kryeministrit kriminelin Radojçiq.

Me pi kafe te Kafetë e Vogla me Radojçiqin.

Me i shku te shtëpia në veri me e lutë me ta dhënë votën për Kryeministër.

Me e thirrë Listën serbe në përvjetoret e partisë.

Me u përgjigj për Radojçiqin se ‘’është një person që pyetet për gjithçka në veri’’.

Ani kur po flet për korrupsion, nuk besoj që e keni harruar raportin e “Freedom House” – Haradinaj ka lidhje me krimin e organizuar dhe korrupsionin e nivelit të lartë, të cilët luajnë rol të fuqishëm në politikë.

Është evidente përpjekja e Ramushit për t’u bërë lider opozitar, por rrugën e ka të gabuar. Nuk të bën Radojçiqi kryeministër.