Të premten, serbët bllokojnë pikat kufitare në Serbi dhe një në Mal të Zi

Qendra për Menaxhim Kufitar ka njoftuar se pikat kufitare me Serbinë dhe një me Malin e Zi nuk do të jenë të kalueshme të premten, kështu u ka bërë thirrje qytetarëve të mos i shfrytëzojnë ato.

“Njoftohen të gjithë shtetasit e Republikës së Kosovës dhe pjesëtarët e mërgatës që planifikojnë të kalojnë tranzit përmes territorit të Serbisë dhe në PKK Kullë (Mali i Zi), të shmangin të gjitha hyrjet dhe daljet në Pikë Kalimet Kufitare mes Republikës së Kosovës dhe Serbisë, po ashtu edhe me PKK Kullë me Malin e Zi”, thuhet në njoftim.

Thirrja vjen pas njoftimit të serbëve për bllokim të tire.

“Kjo thirrje vjen pas paralajmërimeve të ashtuquajturit “Këshill Organizativ për Bllokada” në Serbi, i cili ka bërë të ditur se më 6 Shtator 2024, planifikohen bllokada të rrugëve që çojnë drejt PKK me Republikën e Kosovës. Autoritetet kompetente të RKS në bashkëpunim me partnerët, i kanë marrë të gjitha veprimet për menaxhim të situatës së paralajmëruar dhe ju inkurajojnë që të ndiqni me kujdes zhvillimet dhe paralajmërimet e reja lidhur me situatën dhe të informoheni vetëm nga burimet zyrtare të institucioneve të Republikës së Kosovës, për të shmangur dezinformatat dhe lajmet e rreme”, thuhet në njoftim.

The post Të premten, serbët bllokojnë pikat kufitare në Serbi dhe një në Mal të Zi appeared first on Albinfo.