VIDEO/ Publikohen pamjet brutale të arrestimit të gazetarit amerikan nga agjentët rusë
Pamjet e arrestimit të Evan Gershkovich në mars të vitit të kaluar u publikuan nga Moska përmes kanalit televiziv rus RT, vetëm 24 orë pasi gazetari i Wall Street Journal u lirua nga një burg rus si pjesë e marrëveshjes historike të shkëmbimit të të burgosurve SHBA-Rusi. Pamjet tregojnë agjentë të inteligjencës ruse, të veshur [...]Read More...
Pamjet e arrestimit të Evan Gershkovich në mars të vitit të kaluar u publikuan nga Moska përmes kanalit televiziv rus RT, vetëm 24 orë pasi gazetari i Wall Street Journal u lirua nga një burg rus si pjesë e marrëveshjes historike të shkëmbimit të të burgosurve SHBA-Rusi.
ФСБ после обмена Эвана Гершковича и Пола Уилана решила показать видео их задержания
По утверждению ведомства, Гершковича задержали «с поличным», когда он пытался получить от работника «Уралвагонзавода» секретную информациюhttps://t.co/NBY11rT02u
Видео: РЕН ТВ pic.twitter.com/teTCTPCF9R
— Медиазона (@mediazzzona) August 5, 2024
Një regjistrim audio që supozohet të jetë i bisedës së Gershkowitz me burimin e tij pak para ndërhyrjes së agjentëve u publikua gjithashtu.
“Gjithçka që unë kërkoj, ju lutem, është që të jeni shumë të kujdesshëm sepse ky është informacion i klasifikuar”, dëgjohet duke thënë bashkëbiseduesi i Gershkowitz në videoklip. “
Ne as nuk do të themi se i kemi parë dokumentet,” citohet të ketë thënë Gershkowitz, duke shpjeguar se gjithçka do t’i atribuohet një burimi anonim.
Kujtojmë se gazetari amerikan u arrestua nga autoritetet ruse për “spiunazh”, akuzë që nuk e pranoi kurrë. Ai u akuzua për mbledhjen e informacionit të klasifikuar për një kompani që prodhon tanke për luftën e Rusisë në Ukrainë.
Pak javë më parë u zhvillua gjyqi i tij në një gjykatë ruse dhe gazetari u dënua me 16 vite burg, por më në fund u lirua pas 16 muajsh burg në fillim të këtij muaji.
Përpara se të lirohej nga burgu në shkëmbimin më të madh të të burgosurve midis Rusisë dhe Perëndimit që nga Lufta e Ftohtë, Evan Gershkovich iu kërkua, që së bashku me të burgosurit e tjerë që do të liroheshin me të, të plotësonin një formular për Vladimir Putin duke i kërkuar me shkrim falje.
/abcnews.al