920,000 veta festojnë në “Street Parade”, në Cyrih
Parada e sivjetme do të hyjë në histori si një nga më të nxehtat - moti ishte tipik për mesin e verës dhe dielli ka shkëlqyer gjatë gjithë ditës The post 920,000 veta festojnë në “Street Parade”, në Cyrih appeared first on Albinfo.
Organizatorët vlerësojnë se rreth 920,000 njerëz kanë udhëtuar sot për në Cyrih për të festuar në Paradën e Rrugës nën moton “Prefere: Tolerance”.
Që në orën 13:00, DJ të ndryshëm kanë filluar setet e tyre në tetë skena të ngritura përgjatë rrugës rreth pellgut të liqenit të Cyrihut. Makinat “Love Mobiles” ishin në rrugë, duke filluar nga ora 14:00, transmeton albinfo.ch. Parada e sivjetme do të hyjë në histori si një nga më të nxehtat – moti ishte tipik për mesin e verës dhe dielli ka shkëlqyer gjatë gjithë ditës mbi turmën nga një qiell blu.
Megjithatë, dy persona kanë pësuar lëndime të rënda, siç raporton organizata për mbrojtje dhe shpëtim, shkruan sda.ch. Dy personat janë dërguar në spital. Fillimisht nuk janë komunikuar detaje të tjera.
Organizata në fjalë njoftoi se 470 persona është dashur të trajtoheshin deri në orën 21:00. Kjo ishte më shumë se në këtë kohë të vitit të kaluar.
Nga ana tjetër, numri i të shtruarve në spital ishte më i ulët, gjithsej 30. Shumica e rasteve përfshinin lëndime të lehta, si ato të shkaktuara nga dehidratimi, alkooli i tepërt ose prerjet. Përvoja ka treguar se numri i trajtimeve mund të rritet ndërkohë, raporton organizata në fjalë.
Sulmet e planifikuara në koncertet e Taylor Swift në Vjenë po shkaktojnë shqetësim edhe në paradën e Cyrihut. Kjo është arsyeja pse përgjegjësit dhe autoritetet kanë ndërmarrë masa edhe më të rrepta mbrojtëse në krahasim me ato të viteve të kaluara.
Muzika vazhdon të luhet në skenat përgjatë rrugës deri në mesnatë. Më pas vallëzimi vazhdon në ahengjet e shumta në klubet e Cyrihut.
The post 920,000 veta festojnë në “Street Parade”, në Cyrih appeared first on Albinfo.
