Sulmet ruse në Zaporizhia, një i vdekur dhe dy të plagosur

Një grua e moshuar u vra dhe dy gra të tjera u plagosën nga sulmet ruse në rajonin Zaporizhia të Ukrainës. Lajmi u konfirmua nga guvernatori Ivan Fedorov.

Forcat ruse bombarduan rajonin me zjarr artilerie 161 herë në 24 orët e fundit, duke dëmtuar objektet e infrastrukturës dhe ndërtesat e banimit, tha guvernatori përmes Telegram.

Ndërkohë, agjencia ruse e lajmeve TASS, duke cituar gjeneralmajorin rus Apti Alaudinov, raportoi se forcat ruse kishin rimarrë dy fshatra, Nikolayevo-Darino dhe Darino, nga forcat ukrainase që i kishin kapur si pjesë e ofensivës së tyre muajin e kaluar në rajonin e Kurskut .

/abcnews.al/