Aksident në Itali: Vdes 24-vjeçarja, lëndohet rëndë foshnja, shqiptari po drejtonte veturën i dehur dhe nën efektin e drogës

Një 24 vjeçare ka vdekur dhe një foshnje është lënduar rëndë si pasojë e një aksidenti në Itali.

Sipas mediave italiane, në lidhje me rastin është arrestuar një shqiptar, pasi rezultoi se po drejtonte veturën nën efektin e drogës dhe alkoolit ndërsa po udhëtonte me partneren e tij dhe pësuan aksident, transmeton albinfo.ch.

Ngjarja ka ndodhur në zonën e Sant’Anastasia, pas mesnate, kur automjeti i drejtuar nga i riu është përmbysur për shkak të shpejtësisë së madhe.

Në makinë ndodhej edhe partnerja e tij 24-vjeçare, djali i tyre pak muajsh, së bashku me motrën e tij.

Makina u përmbys disa herë duke shkaktuar vdekjen e menjëhershme të 24-vjeçares, ndërsa dy të tjerët nuk janë në gjendje kritike, por po marrin kujdes shëndetësor.

The post Aksident në Itali: Vdes 24-vjeçarja, lëndohet rëndë foshnja, shqiptari po drejtonte veturën i dehur dhe nën efektin e drogës appeared first on Albinfo.