Biden me Covid, mjeku tregon gjendjen shëndetësore të presidentit amerikan

Presidenti amerikan, Joe Biden, ka ende një “kollë dhe zë të ngjirur, por simptomat e tij vazhdojnë të përmirësohen në mënyrë të qëndrueshme”, sipas një përditësimi nga mjeku i tij.

Presidenti amerikan aktualisht është i izoluar në shtëpinë e tij në Delaware pas infektimit me COVID-19.

“Pulsi i tij, presioni i gjakut, ritmi i frymëmarrjes dhe temperatura mbeten absolutisht normale”, tha Dr. Kevin O’Connor në një deklaratë të lëshuar nga Shtëpia e Bardhë.

“Furnizimi i tij me oksigjen vazhdon të jetë i shkëlqyer. Mushkëritë e tij mbeten të pastra”, shtoi ai.