Blinken i drejtohet Izraelit: Numri i të vdekurve në Gaza është i papranueshëm

Sekretari amerikan i Shtetit Antony Blinken u tha dy zyrtarëve të lartë izraelitë se numri i viktimave civile në bombardimet izraelite në Rripin e Gazës është shumë i lartë dhe i papranueshëm.

Deklarata e tij erdhi menjëherë, pasi ushtria izraelite intensifikoi sulmet ditët e fundit, duke përfshirë kundër një kampi refugjatësh dhe shkollave të shumta të drejtuara nga Kombet e Bashkuara, ku civilët ishin strehuar.

Blinken priti Ministrin izraelit të Çështjeve Strategjike Ron Dermer dhe Këshilltarin e Sigurisë Kombëtare Tzachi Hanegbi për të shprehur shqetësimin serioz në lidhje me viktimat e fundit civile në Gaza, tha zëdhënësi i Blinken, Mattheë Miller.

“Numri i viktimave është shumë i lartë. Ne vazhdojmë të shohim vrasjen e civilëve çdo ditë”, tha ai.

Të shtunën, sulmet izraelite vranë më shumë se 90 njerëz në kampin al-Maëasi, pranë Khan Younis, i përcaktuar si zonë e sigurt.

/abcnews.al