Ekzekutohet dënimi i parë me vdekje pas 13 vitesh në Karolinën e Jugut

Në ekzekutimin e parë në Karolinën e Jugut në 13 vjet, Freddie Owens, 46 vjeç, i cili u ekzekutua, u dënua për vrasjen e një punonjësi në një dyqan në Greenville në vitin 1997 gjatë një grabitjeje të armatosur.

Ndërsa procedurat gjyqësore kundër tij ishin në vazhdim, Owens vrau një tjetër të burgosur në burgun e qarkut, raporton AP.

Rrëfimi i tij për sulmin iu lexua dy jurive të ndryshme dhe një gjyqtari, të cilët të gjithë e dënuan me vdekje.

Karolina e Jugut ka kryer 43 ekzekutime që nga vendosja e dënimit me vdekje në SHBA në vitin 1976.

Në fillim të viteve 2000, ky shtet amerikan kryente mesatarisht tre dënime me vdekje në vit.

Që kur ekzekutimet u pezulluan në vitin 2011, sepse zyrtarët e burgut nuk ishin në gjendje të siguronin barnat e nevojshme për injeksione vdekjeprurëse, numri i të burgosurve që presin ekzekutimin është zvogëluar, nga 63 të burgosur në 2011, mbeten 31.

Rreth 20 të burgosurve u është ndryshuar dënimi me burg pas apelit, ndërsa të tjerë kanë vdekur për shkaqe natyrore./abcnews.al