Evakuohen banorët dhe pushuesit nga “Rana e Hedhun” për shkak të zjarrit në Shëngjin

Po vazhdon edhe më tej zjarri në Shëngjin, ku flakët kanë dalë jashtë kontrollit dhe janë përhapur me shpejtë si për shkak edhe të erës së fortë.

Zjarrfikësit, emergjencat dhe forcat e ushtrisë janë përqëndruar në zonën e quajtur “Rana e Vogël”, për shkak të densitetit të objekteve turistike dhe banesave që ndodhen në këtë zonë, shkruan Abcnews.a.

Për shkak të rrezikut dhe daljes jashtë kontrollit të flakëve, ka pasur evakuime të banorëve dhe pushuesve, derisa është bllokuar edhe rruga drejt “Ranës së Hedhun”, ku tymi ka mbuluar pjesën më të madhe të këtij plazhi.