Fushata në SHBA/ Konventa e demokratëve, çfarë pritet të thotë Joe Biden në fjalimin e tij

Presidenti amerikan, Joe Biden po e kalon fundjavën duke përgatitur fjalimin e tij për hapjen e Konventës Kombëtare të Demokratëve, një moment dukshëm i ndryshëm nga ai që kishte përgatitur për vetëm disa javë më parë përpara se Partia Demokratike të bashkohej rreth një kandidati të ri presidencial.

Fjalimi do të jetë nga të paktat që Bidenit i ka mbetur për t’iu drejtuar popullit amerikan, ndërsa më shumë se pesë dekadat e tij në politikë po vijnë drejt fundit, shkruan CNN.

Ky fjalim vjen gati një muaj pasi Biden u tërhoq nga gara presidenciale dhe zgjodhi të mbështesë zëvendëspresidenten, Kamala Harris.

Biden do të argumentojë se pse Harris duhet të zgjidhet presidente përpara mijëra delegatëve demokratë dhe anëtarëve të partisë në Qendrën e Bashkuar në Çikago.

Presidenti pritet të përdorë fjalimin e tij për të paraqitur argumentin e tij për Harris, për të përshkruar rekordet që ata kanë arritur së bashku dhe për të theksuar nevojën për të mposhtur  ish-presidentin Donald Trump, për të cilin beson se përbën një kërcënim për demokracinë.

“Presidenti pritet të trajtojë se si në betejën për shpirtin e Amerikës, ne kemi siguruar që demokracia të mbizotërojë, demokracia të jetë ofruar dhe tani, me Kamala Harris dhe Tim Walz, ne duhet të sigurojmë që demokracia të ruhet,” tha një ndihmës i Biden./abcnews.al