Isufaj: Pranimi i rezultateve të ekzaminimeve nga jashtë vendit ishte shkaku i vonimit të aktakuzës për Banjskën

Gati një vit pas sulmit terrorist në Banjskë të Zveçanit, Prokuroria Speciale ka ngritur sot aktakuzë për këtë rast.

Aktakuza është ngritur kundër 45 personave.

Kryeprokurori Blerim Isufaj tha se arsyeja pse është vonuar ngritja e aktakuzës janë rezultatet e ekzaminimeve nga jashtë.

“Pranimi i rezultateve të ekzaminimeve nga jashtë vendit ishte shkaku i vonimit të kësaj aktakuze”, ka thënë Isufaj.