Ky është formacioni i Shqipërisë kundër Ukrainës

Përzgjedhësi i Shqipërisë, Sylvinho, ka kthyer në formacionin titullar qendërmbrojtësit Marash Kumbulla dhe Ardian Ismajli, në mungesë të kapitenit Berat Gjimshiti.

Në krah do të luajnë Mario Mitaj dhe Elseid Hysaj që në këtë ndeshje është kapiten.

Para mbrojtjes do të luajnë Ylber Ramadani dhe Kristjan Asllani.

Qazim Laçi, Nedim Bajrami dhe Jasir Asani do ta ndihmojnë Rey Manajn që i prin sulmit.

Ndërkohë në portë Sylvinho ka vendosur për Thomas Strakoshën.

Ndeshja që nis në orën 20:45, i takon Grupit 1 të Ligës B të Ligës së Kombeve dhe zhvillohet në stadiumin “Epet Arena” të Pragës, në Republikën e Çekisë.

The post Ky është formacioni i Shqipërisë kundër Ukrainës appeared first on Albinfo.