OBSH evakuon rreth 100 njerëz, kryesisht fëmijë nga Rripi i Gazës

Organizata Botërore e Shëndetësisë njoftoi sot se ka evakuuar afro 100 persona, përfshirë dhjetëra fëmijë, nga Gaza në Emiratet e Bashkuara Arabe.

Përfaqësuesi i OBSH-së për territoret e pushtuara palestineze, Richard Piperkorn, tha se evakuimi, i kryer të mërkurën, ishte operacioni më i madh i këtij lloji që nga fillimi i luftës së Izraelit në Rripin e Gazës në tetor 2023.

“Gaza ka nevojë për korridore mjekësore. Ne kemi nevojë për një sistem më të mirë të organizuar dhe të qëndrueshëm,” tha ai.

/abcnews.al