Osmani me kryesuesin e Presidencës së Bosnjës: Dy vende me të kaluar të dhimbshme

Presidentja e vendit, Vjosa Osmani ka bërë të ditur se është takuar me Kryesuesin e Presidencës së Bosnje e Hercegovinës, Denis Beqiroviq, me të cilin kanë diskutuar për thellimin e bashkëpunimit.

Osmani tha se Kosova dhe Bosnja e Hercegovina, dy shtete të Ballkanit Perëndimor, të cilat ndajnë një të kaluar të dhimbshme, por një përkushtim të pashoq për të punuar bashkë për drejtësi për të kaluarën dhe një të ardhme të përbashkët në Bashkimin Evropian dhe në NATO.

“Kosova dhe Bosnja e Hercegovina, dy shtete të Ballkanit Perëndimor, të cilat ndajnë një të kaluar të dhimbshme, por një përkushtim të pashoq për të punuar bashkë për drejtësi për të kaluarën dhe një të ardhme të përbashkët në Bashkimin Evropian dhe në NATO.Në takimin me Kryesuesin e Presidencës së Bosnje e Hercegovinës, Denis Bećirović, potencuam se thellimi i bashkëpunimit midis vendeve tona i shërben paqes së qëndrueshme, stabilitetit dhe zhvillimit të rajoint tonë në përgjithësi”, ka shkruar ajo./Front Online/