Presidentja Osmani ndan fotot e para nga takimi me shefin e CIA-s

Presidentja e Kosovës, Vjosa Osmani ka publikuar fotografinë e parë zyrtare nga takimi me shefin e CIA-s, William Burns.

Në një postim në Facebook, ajo thotë se aleanca me ShBA-të është garancë për siguri, paqe dhe sukses.

“Aleanca me Shtetet e Bashkuara, garancë për siguri, paqe e sukses! Kënaqësi që mirëprita dje në Republikën e Kosovës Shefin e Agjencisë Qendrore amerikane të Inteligjencës (CIA), Ambasadorin William Burns”, ka shkruar e para e shtetit.

Kujtojmë se Burns u mirëprit të enjten në takim nga e para e vendit, ndërkaq sot në mëngjes nga Kryeministri i Kosovës, Albin Kurti.