Provokon Gjuriq, nëpërmjet një reagimi e quan Kosovën pjesë të Serbisë

Ministri i jashtëm serb, Marko Gjuriq, ka deklaruar se Serbia përpiqet t’i qaset “me përgjegjësi” çdo problemi, përfshirë çështjen e Kosovës, duke luftuar për interesat e saj dhe duke vënë në dukje gjithçka “nëpër të cilën po kalon populli serb”, veçanërisht “në krahinën jugore serbe”.

Ai ka pretenduar se Serbia luftoi fuqishëm në OKB kundër Rezolutës për Srebrenicën, si dhe kur është fjala për përpjekjen e Kosovës për t’u bërë pjesë e Këshillit të Evropës.
Ai gjithashtu ka pretenduar se qëllimi përfundimtar i diplomacisë serbe është ta paraqesë Serbinë në botë si “një vend që po përparon, që ka diçka për të ofruar dhe nxit bashkëpunimin e mirë”.

“Serbia është një vend që është plotësisht i fokusuar në rritje dhe progres dhe që dëshiron plotësisht të krijojë një rrjet miqsh në rajon dhe në botë. Për të zgjidhur problemet që janë të trashëguara si disa nga marrëdhëniet edhe brenda kur bëhet fjalë për “krahinën tonë jugore”, në mënyrë të përgjegjshme, duke luftuar për interesat serbe dhe duke vënë në dukje gjithçka që “po kalon populli ynë, veçanërisht në Kosovë”, ka thënë Gjuriqi.