Rama shijon ushqimin që do t’ju servohet fëmijëve në shkollat ku do të mbahet mësimi gjithëditor

Kryetari i Komunës së Prishtinës, Përparim Rama bashkë me nënkryetaren Jehona Lushaku Sadriu, kanë provuar sot drekën që do t’ju servohet fëmijëve në shkollat ku do të fillojë mësimi gjithëditor nga shtatori.

Rama ka thënë se është shumë i kënaqur me cilësinë dhe shijen e ushqimit të përgatitur nga Kuzhina Qendrore, dhe më gëzon fakti që kemi arritur të sigurojmë një menu të shëndetshme dhe të përshtatshme për fëmijët tanë.

“Jemi gati për shtatorin”, ka shkruar Rama.