Vrasja e liderit të Hamasit/ Izraeli: Nuk kemi komente për incidentin. Në gatishmëri ndaj hakmarrjes së Iranit

Qeveria izraelite thotë se nuk do të bëjë vërejtje për vdekjen e Ismail Haniyeh.

“Ne nuk po komentojmë për atë incident,” tha zëdhënësi David Mencer në një konferencë me gazetarët.

Ai tha gjithashtu se Izraeli ishte në “gadishmëri jashtëzakonisht të lartë” për hakmarrjen iraniane.

Sot në mëngjes, zyra e shtypit e qeverisë izraelite postoi një imazh të Haniyeh me fjalën “eleminuar” të stampuar në ballin e tij.

Megjithatë, postimi u hoq më vonë dhe nuk është më i dukshëm në faqen e tij.

/abcnews.al